Careers in Conservation

EPISODE SIX: Silence Musuku
Reptile Handler
Hoedspruit Reptile Centre

Subscribe on YouTube: Careers in Conservation Presented by the Global Conservation Corps
Careers in Conservation: Video Series Presented by the Global Conservation Corps

CAREERS IN CONSERVATION

Silence Musuku – Reptile Handler

Background: Silence Musuku u velekiwile eAcornhoek eka xifundzha-nkulu xa Mpumalanga. Eku kuleni ka yena u tshamile nkarhi wo leha ni vakokwana wa yena. A va n’wi hlayela switori ni mintsheketo mayelana ni tindlela leti a va ti hlayisa ha tona endzhawini liya a va tshama eka yona, ni swiyila swa ndzhavuko wa vona. Leswi swi n’wi pfunile leswaku a kota ku tolovela ndzhawu liya a va hanya eka yona, ni ku tika ka yona. Malembe ndzhaku, vakokwana wa Silence a va n’wi byela hi switori swo tsakisa ni swiyila mayelana ni tinyoka leswi nga n’wi hlamarisa ni ku n’wi koka rinoko evuhlangini bya yena.

Loko Silence a ha dyondza xikolo, va endzeriwile hi tinyoka to tala tani hi leswi xikolo xa vona a xi ri enhoveni. Kwalaho u lemukile mixaka ya tinyoka leti a ti kumeka endzhawini ya liya, ni swivumbeko swa tona. Leswi swi endlile leswaku a fananisa switori leswi vakokwana wa yena a va n’wi hlayela swona kutani a pfuna vadyondzisi ku ta ti hlongola leswaku ti fambela kule ni jarata ra xikolo. Hikwalaho ka ntokoto lowu a ri na wona, lowu a wu dyondzisiwile hi vakokwana wa yena, u naverile ku va mukhomi/muhlayisi wa swikokovi ngopfu ngopfu tinyoka.

Behind the Scenes: Silence on the Job

JOB REQUIREMENTS

CAREER PATH

Silence Musuku – Reptile Handler

Loko a hetile tidyondzo ta xikolo xa le henhla u yile ku ya lavisisa hi mayelana ni ku tsakela ka yena eHoedspruit Reptile Centre (leyi a yi vuriwa Khamai Reptile Centre) ngopfu-ngopfu hi swa tinyoka. Va tekerile enhlokweni rirhandzu ra yena eka swikokovi kutani va n’wi teka leswaku a va mutirhi wo tinyiketela wa nkarhi nyana kambe a nga holi. Hi nkarhi lowu a ri karhi a tirha kwale, a ri un’wana wa vakhomi va tinyoka va ntokoto, a tlhela a tiyisisa vutivi bya yena ma yelana ni matikhomelo, ntumbuluko, ndzhawu leyi tinyoka to karhi a ti kumeka kona ni mahanyelo ya tona hi ku hambana-hambana, xikan’we ni swikokovi swin’wana. A va n’wi tshembha swinene leswaku u ta dyondzisa emugangeni wa ka vona hi mayelana ni vutivi lebyi a nga ni byona, xikan’we ni ku lulamisa leswi a swi tshembhiwa/swiyila leswi vakokwana wa yena a va n’wi byela swona hi tinyoka loko a ha ri ntsongo.

Endzhaku ka lembe rin’we, u thoriwile swa nkarhi-nyana ku ringana tin’hweti tinharhu laha a nyika/ku dyondzisa vaendzi hi vuxokoxoko bya nkoka wa mayelana ni swikokovi swo hambana kwalahaya ntangeni. Xikan’we ni ku tisa ku tshembha eka vumundzuku bya swikokovi.

Ku tirha ka yena hi ku ti yimisela swi endlile leswaku vurhangeri byi n’wi xixima hi ntirho wa ku hlayisa swikokovi. Ku fikela namuntlha, Silence u hanya eka norho wa yena wa ku khoma swikokovi ni ku ponisa tinyoka loko ti tshuka ti kotlana ni vanhu kumbe loko ti nghena laha va tshamaka kona.

“Tshembha norho wa wena u va na hanyelo leri yelanaku ni leswi norho wa wena wu dinga ku swona.”

Subscribe to Careers in Conservation:

Subscribe on YouTube: Careers in Conservation Presented by the Global Conservation Corps